Transcription
1
Reçue à Grenoble, le 13 mars 1573. Répondue.
2
Monsieur de Gordes, jay receu votre lettre parce porteur, et quelque heure paravant,
3
javoys respondu à voz dernières, et vous prioys par les miennes pour beaucoup
4
docasions y contenues que vous eussiés à menvoyer les autres deux
5
compagnies pour parfaire les quatre que le roy ma ordonnées sur le
6
gouvernement de Daulphiné et que, pour eviter à tout ce que me mandiés
7
des inconveniens qui y pourroint reussir, il seroit facille den faire
8
lever autres deux pour les remplacer, afin que le service du roy
9
ne fust retardé et que les desseins et entreprises que jay faictz
10
ne puissent entrer en excuse que les commoditez que jesperoys
11
ny mayent esté ostées. A ceste cause, je ne vous feray autre
12
redicte par ceste cy, sauf que je vous prieray de rechef de
13
menvoyer lesdites deux compagnies, ensemble les deux cens pionniers
14
que je vous requiers par mes autres susdites lettres, vous priant
15
croyre que je ne vous fays ceste instance qu’avec grande
16
occazion et que si je men pouvoys passer, je le feroys
17
plustost pour lamour de vous que pour chose du monde
18
et me ferez ce plaisir de croyre quil ny a personne au monde
19
de qui vous puissiés vous asseurer de vollanté et de bonne
20
affection que de moy. Au demeurant, je remectz à vous
21
de juger si votre presence est ou pourroit estre necessaire
22
en votre gouvernement, et si vous en departant, votre
23absence y pourroit aporter aucun preiudice et interestz au [barré : f ]
24
service du roy. Toutesfois si daventure vous venez
25
me voir, vous y serez aultant bien venu et receu
26
quen tout autre part que vous pourriés estre
27
[156 v°] pour le moins. Je vous rendray participant de mon bien
28
et de mon mal pour lasseurance que jay que vous y prendrez
29
aultant de plaisir comme de bien bon cœur je me vays recommender
30
à votre bonne grace. Priant Dieu vous donner,
31
monsieur de Gordes, en bonne santé, heureuse et longue vie.
32
Du Camp de Sommieres, ce XXVme febrier 1573.
33
Votre plus affectionné, parfait et meilleur
34
amy
35
H de Montmorancy